လူမှုကွန်ရက်ပေါ်တွင် ပျံ့နှံ့ခဲ့သည့် ရုပ်သံဖိုင်ဟာ ခင်ဦးမြို့နယ်ရှိ အမျိုးသမီးတစ်ဦးဖြစ်ကြောင်းသိရ

လူမှုကွန်ရက်ပေါ်တွင် ပျံ့နှံ့ခဲ့သည့် ရုပ်သံဖိုင်ဟာ စစ်ကိုင်းတိုင်းဒေသကြီး ခင်ဦးမြို့နယ်၊ အောင်သီရိရပ်ကွက်နေ အသက် ၆၀ ကျော်အရွယ် ဒေါ်မင်းမင်းဖြစ်ပြီး Pdf အဖွဲ့က ဓားဖြင့် သတ်ဖြတ်ခံရကြောင်း ဒေသခံများထံ၏ပြောကြားချက်အရ သိရသည်။

ဒေသခံများ၏ ပြောကြားချက်အရ ဒေါ်မင်းမင်းသည် အိမ်ထောင်မရှိ အပျိုကြီးဖြစ်ပြီး ၂၀၂၂/၂၃ ခုနှစ်ဝန်းကျင်တွင် ကောက်စိုက်နေစဉ် လက်နက်ကိုင်လူတစ်စုက ဖမ်းဆီးခေါ်ဆောင်သွားခဲ့ကြောင်း၊ ရပ်ကွက်တွင် နေထိုင်သည့် ပင်စင်စား ကျောင်းအုပ်ဆရာကြီး၏ ဇနီးနှင့် ရင်းနှီးစွာ ဆက်ဆံနေထိုင်ခဲ့မှုကြောင့် ဒလန်စွပ်စွဲချက်ဖြင့် ဖမ်းဆီးခံရခြင်းဖြစ်နိုင်ကြောင်း၊ သတ်ဖြတ်ခံရသည့်နေရာမှာ ခင်ဦးမြို့နှင့် ရေဦးမြို့ကြား မူးမြစ်ဘေးတွင် ဖြစ်နိုင်ကြောင်း ဒေသခံများကအတည်ပြုပြောကြားကြသည်။

ခင်ဦးမြို့ဝန်းကျင်ရှိ ကျေးရွာများတွင် ၂၀၂၁ ခုနှစ်နောက်ပိုင်း ဒလန်စွပ်စွဲချက်ဖြင့် အလားတူဖြစ်စဉ်များ ထပ်ခါထပ်ခါ ဖြစ်ပွားခဲ့ကြောင်း ဒေသခံများက ဆိုသည်။တချို့သတင်းများ၌  အောင်မင်္ဂလာရပ်ကွက်နေ မောင်နှမသုံးဦး ဒလန်စွပ်စွဲချက်ဖြင့် အသီးသီး သတ်ဖြတ်ခံခဲ့ရကြောင်းလည်း ကိုးကားဖော်ပြထားကြသည်။